麻將廿四式

九子連環叫九飛

唔使估， 雙至尊天胡地胡。

辣老薑， 十三么國士無雙。

英雄漢， 打不贏十八羅漢。

盡歡顏， 清一色九子連環。

真夠絕， 摸一筒海底撈月。

拍手掌， 出沖引發炮雙響。

有選擇， 摸完中發又摸白。

誇啦啦， 原來槓上開了花。

冇陰公， 失驚無神做相公。

眼超超， 么九對碰食花么。

確齊全， 開心食出大三元。

笑碌地， 呢鋪經典大四喜。

大件事， 有種大牌係全字。

唔入章， 打牌慘過食砒霜。

最珍貴， 十三么至為巴閉。

未開胡， 牌運一到似老虎。

唔簡單， 摸齊七花當三番。

招招積， 自摸卡窿清一色。

濕濕碎， 胡出一色大對對。

心花放， 摸隻發財槓上槓。

誰最苦， 上錯一章罰企胡。

咪話盲， 實行雞胡截爆棚。

我最醒， 識得棄胡睇風景。

唔使慌， 白水隨時變雞湯。