2011年11月10日

區選成語八段錦

區選成語八段錦

文章日期:11/10/2011 12:10 am
陰溝裡翻船
政客以為憑藉多年區會、立會經驗,就必勝無疑,點知滑鐵盧,立法會議員唔係輸比新丁就係輸比小花,輸得好肉酸,呢啲叫做陰溝裡翻船。犯眾大敗,政黨不作檢討,淨係得把口講痛定思痛,反而賴人操控選舉,信口雌黃,冇根冇據,諉過於人,毫無道理可言。
 
棄之如敝履
成日攪攪震嗰位,一向罵得兇鬧得狠,今番出戰衰咗,優勝劣敗,選民眼睛雪亮,終於被棄之如敝履,激進路線行唔通嘅,老友。
某仁兄輸咗,沒精打釆坐喺一邊講手提電話,往日神氣活現嘅樣唔見哂,唔駛氣餒喎,明天會更好。
激進分子出戰大家姐,以為可以螳臂當車,點知所得票數連人家的零頭都未有,蚍蜉撼樹,不自量力。與佢同一陣線嘅政黨仲慘,全軍覆沒
 
急流勇退
大狀空降參選輸咗,佢都算有啲風度,肯認輸之餘,仲話考慮退出明年立會選舉,急流勇退,此其時矣。
急先鋒輸俾新丁,見記者時梨花帶雨,我見猶憐,哎,卿本佳人,奈何... 總之,明珠暗投,無話可說。
 
 
前程錦繡
少爺初試啼聲,得咗,可喜可賀,佢一改過往少爺脾氣,肯落區,做實事,如果能夠藉此進一步接近普羅大眾,為人民服務,咁就前程萬里
政壇新人類首戰即勝,終於可以「盡訴心中情」,如果日後能夠晉升立法會議員,同老公夫唱婦隨星月爭輝,到時有好戲睇。
 
長江後浪推前浪
呢次區選,新人勝舊人,小人勝巨匠,「江山代有才人出,各領風騷數十年」,以為大可蝦細,其實後生可畏
 
時不我予
殿堂級人物,紆尊降貴,幫人站台拉票,以為老舊電池尚有餘力,點知一樣冇料到,結果都要輸。前輩,老就要認,舊就要Fing, 算吧啦。
 
戒驕戒躁
有政黨成大贏家,奉勸一句,千祈唔好沾沾自喜,要戒驕戒躁,路漫漫其修遠兮,仲有,一黨獨大未必好事,無敵最寂寞,今日贏咗威水啦,就話氹仔浸蛟龍,可能係龍游淺水遭蝦戲唔定,失敗者會臥薪嚐膽,有朝一日必捲土重來
 
一言以蔽之
空降不是萬全之策,狙擊更非應有之義,實務才是取勝之道
 
弓曉儀 at 09/15/2012 08:33 pm comment
我初以為打功夫的八段錦,認真幽默,抵死,
KM at 09/15/2012 09:36 pm reply
呢啲就係八段咁嘅嘢囉。
秋葉阿姨 at 09/15/2012 12:50 pm comment
KM的選區成語八段錦,滑稽,風趣,看得人家明白,不會瞌眼瞓,醒神!
秋葉阿姨 at 09/15/2012 02:20 pm reply
其實好多都唔記得,都係估估吓。多謝謬讚。
KM at 09/15/2012 12:58 pm reply
阿姨謝謝您來翻閱舊作,時隔多月,當中的情節你還記得而看得明白,記性佳,佩服之至,再次多謝瀏覽及留言,祝安。
Rosemary at 09/12/2012 01:29 pm comment
狙擊甘寫至岩, 甘我錯左好多
KM at 09/12/2012 03:28 pm reply
你係點寫呢?
Rosemary at 09/12/2012 01:28 pm comment
前程錦繡 ? 講緊謝偉俊, 白諳琴,佢地應該任務重大呀 !
KM at 09/12/2012 03:27 pm reply
反正我唔多相信他倆是人地杯茶。上述個公仔圖案好得意,但我唔知乜嘢意思。
凡響 at 11/14/2011 09:21 pm comment
一邊閱讀,一邊為政客們“對號入座”,有點猜謎的趣味。政治人物的表現固然重要,而當他/她不稱職時,人民可以通過投票選舉把他拉下馬更重要。
海平 at 11/10/2011 04:51 pm comment
那個訟棍党党魁,將該党這次區選失敗歸咎於選民貪圖蛇齋餅粽,簡直將選民當白痴,也將該党狂妄之党風表露無遺。該党成立時言明要當執政党,但班訟棍自我成廦,狂妄自大,不吃人間煙火,不知民間疾苦,若不幸成為執政党,香港玩完矣!
KM at 11/10/2011 10:47 am comment
多謝銳眼蒼鷹的回應,兄台不只眼銳,連文字也銳利,甘拜下風。你之所言正是小弟心聲,1200人正在競逐,希望他們當選後(我相信這裡面有不少人是我們的朋友),能獨立思考,不受影響,去為我們選出下屆行政長官。
锐眼苍鹰 at 11/10/2011 09:06 am comment
风趣,平实,有远见。品评得好!!!民主党,民协所提出,所力撑的,改良后的政改方案,在 这次区选中把一大堆“殿堂级”过气明星大佬,包括一些疯狗扫出基层,果然绝!中央临最后时刻同意新方案也十分英明,但愿选行政长官也不必内定,钦点,就让 1200个选委不要被标签为橡皮图章吧!那帮80后这几年以为吵吵闹闹很过瘾,应知道跟错大佬了,如果真想为港人服务,好好再用功吧!最后,老实讲,什么 娴姐,谦哥,也应部署退位了。