Powered By Blogger

2018年5月4日

粵語疊詞對對配 (60句)


沙沙滾,心腸要夠狠。 岸居居,坐埋博大堆。

烏卜卜,幾條大阿福。 蒙查查,升級做阿爸。

黑媽媽,石榴當涼瓜。 烏卒卒,黑人鬥蟋蟀。

岸鳩鳩,行路上廣州。 流流長,幾時至出糧。

條條揈,褲頭插枝令。 白雪雪,攬住猛咁啜。

濕臘臘,積水咪亂踏。 白白浄,健康冇性病。

涼浸浸,容乜易失禁。 香噴噴,好想同佢瞓。

一啲啲,咪當我乞衣。 口噏噏,廢話當秘笈。

口爽爽,成個大隻廣。 大拿拿,十萬剝隻牙。

孤怜怜,擔頭望星星。 排排坐,齊齊食粉果。

眼光光,飲碗豬肉湯。 爛撻撻,烏糟又邋遢。

濕濕碎,買包麻花脆。 無情情,失魂兼落形。

似層層,差啲認錯人。 牙擦擦,遲早比人刮。

甜椰椰,想起就心邪。 盲中中,紅燈都照衝。

眼甘甘,想創你個心。 眼超超,埋黎過兩招。

血淋淋,睇見就頭暈。 冷清清,得隻貓頭鷹。

乾爭爭,瘦田冇人耕。 手快快,拎錯會尷尬。

笑騎騎,周圍放毒蛇。 企定定,唔好兩頭擰。

無端端,過海買鹹酸。 伊伊揖,成個大咸濕。

好地地,走去摸鼻。 騰騰震,行路打倒褪。

嘴藐藐,比人打得少。 印印腳,等緊女仔約。

口窒窒,喉嚨有粒核。 頭耷耷,銀紙唔識執。

面青青,阿嫲喺大廳。 嗲嗲渧,外母見女婿。

無啦啦,自己整笪罅。 氹氹轉,唔知點打算。

眼濕濕,原來比人洽。 生勾勾,又平又大兜。

知少少,學人扮代表。 聲大大,其實冇貨賣。

牙斬斬,死得好鬼慘。 側側膊,吼人唔多覺。

騰騰震,最驚食夾棍。 淡淡定,包你有錢剩。

面懵懂,咪當我老馮。 頭岳岳,出街四圍踱。

姿姿整,查實冇環境。 搞搞震,齋睇冇幫趁。

      








沒有留言:

張貼留言