《論語泰伯第八》：「不在其位，不謀其政。」意思即係：如果唔喺果個位置上，就唔應該參與位置上嘅事務。 孔子呢個提法含有名份論點，奉勸世人要緊守本份，唔好逾越規矩，唔好說三道四。 孔子同樣嘅論述，喺《子路第十三》都講過：「名不正，則言不順，言不順，則事不成，事不成，則禮樂不興，禮樂不興，則刑罰不中，刑罰不中，則民無所錯手足。」佢呢番說話更加深入剖析名份嘅重要性。
當年，中英開展香港前途談判，時任國防部長曾經對記者講（大概）：香港回歸後，中國未決定是否駐軍，換言之，駐軍問題有得傾。 班記者朋友聽到之後，如獲至寶，即刻大字標題報道出來。 此事好快比鄧大人知道咗，佢老人家立即對新聞界作出澄清，話回歸後中國一定會響香港駐軍，以體現主權，仲鬧有人胡說八道。 原來，中英談判桌上，對接單位係外交部，當然，仲有總書記同鄧大人，國防部長儘管地位顯赫，喺呢件事上佢不在其位，當然不能謀其政，名不正，言點會順呢？
紫荊衙門首任長官脚痛離開位置之後，除咗國慶日或者回歸日見到佢老人家之外，其餘日子鮮見一面，更加唔會聽到佢就衙門之事噏三噏四，完全比繼任人自由發揮。 做好呢份工嘅第二任長官，學足前任，離任至今亦都冇就衙門事務出過聲。 可見兩位都深諳「不在其位，不謀其政」道理，所以，喺呢方面值得鼓掌。
不過，唔係每一個人都識得咁做，回歸之後，有幾個退休官差特別鍾意指手畫腳。 其中，有一個以為自己係良心代表，成日不甘雌伏，不時走出來亂噏廿四，來來去去都係果幾句，三幅被，毫無新意。 另一個，在職時渾渾噩噩，退休後竟然脫胎換骨，變成一士諤諤，仲帶隊遊街添，咁叻，當日唔使每週一鑊啦。 又有一個，在任時候只不過係芝麻官，負責睇天，當年幾時有拋頭露面，更難得聽到佢之高見，殊不知退休後，忽然做咗環保大使，又乜又七，直情估你唔到。 仲有一個更加離譜，咬糧後，由吏部主薄搖身變成脷部尚書，一日靠把口搵食，直情當正自己係高人，指指點點，凡衙門有乜依郁，佢老人家一定口水花亂噴，對前朝、對舊僚插到飛起，佢咁嘅款真係乞人憎，不知所謂。
真唔明白呢班人點諗？既然退咗休，冇晒身份，冇晒位置，咪好好享受人生囉，何必再亂嗡無謂？成日非議前科，責難今朝，正一「不在其位，立亂咁吠」，佢地用今天的我去打倒昨天的我，予人印象極差，何必呢？
當年，中英開展香港前途談判，時任國防部長曾經對記者講（大概）：香港回歸後，中國未決定是否駐軍，換言之，駐軍問題有得傾。 班記者朋友聽到之後，如獲至寶，即刻大字標題報道出來。 此事好快比鄧大人知道咗，佢老人家立即對新聞界作出澄清，話回歸後中國一定會響香港駐軍，以體現主權，仲鬧有人胡說八道。 原來，中英談判桌上，對接單位係外交部，當然，仲有總書記同鄧大人，國防部長儘管地位顯赫，喺呢件事上佢不在其位，當然不能謀其政，名不正，言點會順呢？
紫荊衙門首任長官脚痛離開位置之後，除咗國慶日或者回歸日見到佢老人家之外，其餘日子鮮見一面，更加唔會聽到佢就衙門之事噏三噏四，完全比繼任人自由發揮。 做好呢份工嘅第二任長官，學足前任，離任至今亦都冇就衙門事務出過聲。 可見兩位都深諳「不在其位，不謀其政」道理，所以，喺呢方面值得鼓掌。
不過，唔係每一個人都識得咁做，回歸之後，有幾個退休官差特別鍾意指手畫腳。 其中，有一個以為自己係良心代表，成日不甘雌伏，不時走出來亂噏廿四，來來去去都係果幾句，三幅被，毫無新意。 另一個，在職時渾渾噩噩，退休後竟然脫胎換骨，變成一士諤諤，仲帶隊遊街添，咁叻，當日唔使每週一鑊啦。 又有一個，在任時候只不過係芝麻官，負責睇天，當年幾時有拋頭露面，更難得聽到佢之高見，殊不知退休後，忽然做咗環保大使，又乜又七，直情估你唔到。 仲有一個更加離譜，咬糧後，由吏部主薄搖身變成脷部尚書，一日靠把口搵食，直情當正自己係高人，指指點點，凡衙門有乜依郁，佢老人家一定口水花亂噴，對前朝、對舊僚插到飛起，佢咁嘅款真係乞人憎，不知所謂。
真唔明白呢班人點諗？既然退咗休，冇晒身份，冇晒位置，咪好好享受人生囉，何必再亂嗡無謂？成日非議前科，責難今朝，正一「不在其位，立亂咁吠」，佢地用今天的我去打倒昨天的我，予人印象極差，何必呢？
沒有留言:
張貼留言