香港地，有白飯齋飯叉飯鵝飯仲有臘味飯⋯⋯
烹調式，有煮飯炒飯煲飯蒸飯同埋焗冷飯⋯⋯
幼嫩時糊仔當飯
細蚊仔似一舊飯
退休後粗茶淡飯
毫無創意炒冷飯
最恐怖係煲仔飯
和尚化緣食百家飯
大個仔一餐三碗飯
中國人注重團年飯
失意之時不思茶飯
家境清寒睇餸食飯
招呼客人謙稱吃便飯
做人千萬咪貪大茶飯
男人靠女人叫食軟飯
講爛 gag笑到人噴飯
人民公社鼓吹大鑊飯
大局已定生米煮成熟飯
孤僧萬里遊一缽千家飯
博命做嘢都係為咗開飯
投資有道餐餐魚翅撈飯
田園風味最好係荷葉飯
工作忙碌食快餐叫雙餸飯
大飲大食後成枱殘羹剩飯
舊日犯官非註定食皇家飯
漂母對韓信施恩用一碗飯
聚沙成塔晚年有安樂茶飯
謹祝各位衣來伸手，飯來張口，酒足飯飽，無憂無愁！
沒有留言:
張貼留言