水 歌

朋友傾偈叫吹水
舊時收片叫喼水
心儀事物叫心水
賊仔把風叫睇水
荷包有錢叫疊水
同人借錢叫踱水
周圍籌錢叫撲水
比錢過人叫磅水
呃人錢財叫昆水
贏錢佣金叫抽水
人生命運叫命水
留長鬢髮叫的水
人間蒸發叫潛水
聚會離開叫散水
男人小便叫渣水
水中行走叫澗水
機靈敏銳叫醒水
謀取暴利叫掠水
帶貨入境叫走水
從中取利叫油水
緋聞報道叫煲水
期指高收叫升水
減少供應叫縮水
收取利益叫食水

最怕茅根竹借水
老舉從良飲井水
烹煮青蛙用溫水
沖杯靚茶要滾水
頸渴之時飲凍水
曬命自豪好威水
放洋留學浸鹹水
半生不死吊鹽水
學問最忌半桶水
冇晒希望凍過水
水兵海軍水鬥水
打開龍頭有食水
舊時煮飯用火水
廣東名地有三水
大旱之年要制水
外幣買賣計匯水
過咗粉嶺到上水
井水不要犯河水
時運不濟怨命水
文章錦繡有墨水
鴛鴦喜歡同嬉水
寄情托意在山水
冇料之人執口水
貨不對辦要回水

等極唔黎望穿秋水
做事最怕拖泥帶水
長途跋涉千山萬水
打到強敵落花流水
人生匆匆流年似水
天府之國巴山蜀水
東北三省白山黑水
國土淪陷殘山剩水
知己知音高山流水
郊外旅行爬山涉水
靈堂盡孝擔幡買水
董太名言你係乜水
裝模作樣整色整水
糊裡糊塗一頭霧水
財源廣進豬籠入水
K M此文唔湯唔水